Sisindiran Piwuruk Atawa Naséhat

Ngala kuya jeung mang Uda

Ngala hurang jeung mang Diran

Héy baraya urang sunda

Hayu urang sisindiran

Rujak cikur rujak bebek

Loba nu rék ngadaharna

Jalma nu sok gedé ambek

Bakal kaduhung ahirna

Ka Ema silaturahmi

Teu hilap nyandak seupaheun

Jalma nu alus budi

Pasti loba nu resepeun

Lamun ulin ka Talaga

Balikna sok barangbawa

Lamun urang hayang surga

Jalanna nyaeta takwa

Ka pasar mésér ragaji

Ragajina tinggal dua

Boga budak pinter ngaji

Nu reueus niscaya kolotna

Ka warung meuli katuncar

Sakalian meuli jahé

Mun budak kedul diajar

Hanjakalna ke geus gedé